近期一手樓賣到滿堂紅，各大發展商爭住出貨，就連新地（016）前主席郭炳湘老婆李天穎都沽埋一份。聽聞李天穎最近以4,800萬元，將上世紀80年代持貨至今嘅大坑豪園其中一層沽出。
豪園喺正大坑豪宅區，樓齡啱啱夠50年，聽經紀講，李天穎個單位超過2,500平方呎，賣出呎價約1.9萬元。
呢個單位應該係李天穎爸爸李瑞聯喺上世紀70年代用接近「一球」買入，然後喺1988年轉名畀李天穎，紀錄上冇錢銀交易，一直揸貨至最近賣走，即係淨袋4,800萬元。
睇番近呢幾個月，同屋苑差唔多大細單位，成交價都係咁上下，即係李天穎今次出貨都叫貼近市價。咁又係既，老公郭炳湘做地產咁多年，李天穎睇樓市點都唔會差得去邊喇。