前特首曾蔭權應該好鍾意日本，繼農曆新年遭人影到佢身處日本東京後，讀者林小姐向《蘋果》報料，話噚日喺日本北海道明治神宮，野生捕獲曾蔭權同佢老婆。林小姐話曾蔭權期間望住佢個好可愛嘅5歲姨甥女，林小姐即時同煲呔講，不如同佢一齊影張相，但煲呔回應話「唔好啦，我都老喇」婉拒合照。據林小姐提供嘅相片睇到，曾蔭權長褲長恤衫孭背囊，帶住部長鏡相機，佢老婆曾鮑笑薇就着咗件紅色有帽外套，戴住太陽眼鏡。林小姐話，曾蔭權全程相當風騷，心情好靚咁款，表現亦好友善，見佢全程揸支長鏡頭又影廟又影花，絕對唔似唔開心喎。