利福國際（1212）噚日舉行周年股東會，老闆劉鑾鴻（細劉）例牌現身跟大家講講零售市道，佢嘅寶貝女劉今蟾雖然已經加入公司幫手，但噚日冇現身，細劉似乎仲未想外間認識佢位千金。
難得見到細劉，當然要問下佢位公子劉今晨嘅近況喇，事關佢位公子只得26歲，既靚仔又有型，堪稱富二、三代筍盤王，最近曝光即刻成為中環熱話之一。
點知華華一問細劉，長女係咪喺利福幫手呀？公子又幾時會返利福呀？細劉竟然呆一呆，仲尷尷尬尬咁話，「你……問番公司喇」，細劉一時間唔知拋個波畀邊個好，都諗咗好幾秒，先至話「問番公司人事部喇」。
睇嚟細劉都係公私極之分明嘅人，雖然間公司由佢打骰，但係仔女動向都要大家問番人事部，跟足程序咁話喎。