前高球一哥老虎活士同滑雪女王禾恩，可以話係其中一對最大名氣嘅體壇情侶。不過，日前禾恩就喺fb度話，同拍拖三年嘅老虎和平分手：「我一直都會咁欣賞同埋尊重老虎，更加會好珍惜同佢一齊嘅回憶。可惜，由於我哋都係好忙嘅運動員，所以聚少離多。」雖然禾恩寫到好得體，但一般估計，老虎𠵱家喺高球壇風光不再，反而禾恩傷癒後就越戰越勇，女尊男卑，話唔定係老虎俾人飛喎！