日本女歌手大原櫻子去年以新人姿態殺入歌影視界，從5千名對手中脫穎而出成為愛情片《愛我請說謊》嘅女主角，甫出道即同人氣男星佐藤健拍檔做銀幕情侶，由於佢唱得睇得，加上形象夠Pure又可愛，好快就吸納唔少年輕人支持，連香港歌手周國賢都話：「我諗我有少少鍾意咗大原櫻子。」
由於大原櫻子備受力捧，所以唱片公司請來樂隊東京事變成員龜田誠治為佢擔任唱片監製，推出完首張個人單曲《Thank you。》後，最近推出處女大碟《HAPPY》，首周打入Oricon銷量榜亞軍，係相隔差不多兩年半再有個人發展嘅女新人打入銷量榜三甲，打破AKB48嘅女團壟斷局面。
撰文：壇墨