去年12月陳慧玲與Mandy Lieu各自爆出懷有「華」種後，兩女隔空比拼從無間斷，加上二人臨盆在即，戰況更是越趨激烈！
一個周太 洗米嫂勝
3月10日 Mandy被拍得強勢回歸香港，有人問洗米嫂睇法，她話老公洗米華有外形有身家有才華，仲拋出一句：「霧水情人又豈止一個，而周太永遠得一個。」
東京拍拖 Mandy勝
4月19日 Mandy被拍得跟洗米華到東京嘆世界，而二人早前於巴黎蜜遊的咀嘴相亦曝光。同日洗米嫂發功，於fb晒出跟囡囡一同拍攝的巨肚照。
宣示主權 洗米嫂勝
4月21日 洗米嫂送繼子周柏豪回英國，還於fb貼出與柏豪及囡囡周梓潼的自拍合照，以家庭溫馨宣示主權。
噴血泳衣 Mandy勝
5月1日 潛水多時的Mandy在其Instagram鋪出噴血紅色露背泳衣相，並以英文寸爆留言：「親愛的，你都做唔到好似我咁樣，所以唔使搞咁多嘢。」
繼子幫口 洗米嫂勝
5月1日 Mandy出post後不久，跟洗米嫂感情要好的繼子周柏豪即在Mandy的ig以英語留言：「若你有嘢想暗示，有話不如直言！」似想為繼母出口氣。
取消關注 洗米嫂勝
5月2日 正以為周柏豪和Mandy「友好」，點知洗米嫂再出招，指周柏豪同「人哋」做friend，周柏豪再無留言，亦對Mandy取消關注。
