羅傑承女兒Cherry喺英國、瑞士留學，偏偏熱愛中國文化與廣東菜，奈何廣東菜一般份量較多，要多人一齊食，Cherry於是想開一間啱佢generation嘅廣東菜館，希望兩個人都可以大快朵頤。羅傑承十分支持，新餐廳「大官廳」近日已經試業。
提到招牌菜，近年唔少新派中菜館用西班牙黑毛豬做叉燒，Cherry要再刁鑽啲，跟大廚試菜3個月，食過多款豬、唔同部位，最終拍板用匈牙利攣毛豬做叉燒，貪呢款豬嘅皮下脂肪夠厚，入口即溶，但感覺唔油膩。
查實𠵱家唔少富二代開嘅新餐廳，除咗食材、味道，亦十分重視無形嘅生活品味，大官廳呢個名，明顯都係賣緊大官貴人嘅一種生活態度！