呢輪牛市開始之後，內地券商用盡方法，去解釋股市有排未爆煲，叫股民放心入市。有啲券商用估值，有啲就用政策解讀，各出奇招。海通證券用咗較另類方式，對比2007年A股爆煲前，同而家的股票基金銷售情況，證明個市仲健康，信不信由你。
呢份報告話，在2007年上市的股票基金，首日賣晒比例達到15%，而家只有4%，證明散戶未好似上次咁瘋狂入市。其次，2007年發售的股票基金，規模超過百億佔24%，今年規模超過百億基金，比例只有1%。2007年大牛市期間，一隻股票基金只要平均5日左右就可以賣晒，而家平均都要10日，證明個市仲未夠癲。
不過要提一句，2007年內地仲未有孖展、傘型信託呢啲槓杆投資工具，而呢啲錢都唔會買基金。直接與現時市況相比，恐怕有啲失準。
黃尹華