早前Yves Saint Laurent邀請城中名人影了一輯破格唇妝相，包括羅蘭、何韻詩、男神王宗堯、周秀娜和無綫新聞前主播周嘉儀等，外界的評語好壞參半，當中網民激讚優雅雍容的羅蘭╳聖羅蘭的配搭，但亦有人不喜歡嘉儀BB的卡通Look。
跳出主播框框
被網民捧做「女神」的嘉儀BB曾擔任新聞主播，形象十分專業。她今年3月底離開無綫後，跳出主播框框，來一次大突破，將妝容變成五、六十年代美國卡通的漫畫少女，冬菇頭、藍與黃色圓點眼眉，並以黑線框着嘴唇，由端莊變成狂野，真是很難認出。
不少高登仔忍不住出手，將嘉儀BB的新妝頭變成萬能key，包括放在卡通Keroro軍曹身上，在演唱會中晒排骨身形的鄭秀文（Sammi）也不能倖免，有網民為嘉儀BB配上電影《五億探長雷洛傳》中由秦沛飾演的探長的O嘴圖，還有《旺角卡門》的烏蠅（張學友飾）都慘被改圖。
笑吓無傷大雅
不過嘉儀BB很吃得開，從容面對被網民惡搞，昨日透過WhatsApp說：「我啱啱先睇到改圖，其實有啲都幾得意同搞笑。可能網友平時睇慣我斯文樣，呢個造型少見啲、特別啲，但冇緊要啦，大家笑吓，無傷大雅。」問她較喜歡Sammi還是軍曹改圖？她笑說﹕「咁我比較喜Sammi，話我似兒時偶像都幾好。」
嘉儀BB感謝整個團隊的專業，她說﹕「我幾鍾意呢個造型，係一個突破，同埋今次成個團隊，包括化妝、攝影、髮型、造型師都做得好好，畀咗好多心機去做。要多謝網民咁留意同關心，好欣賞佢哋嘅創意。」
採訪﹕羅慧敏