【本報訊】在排報讀大學聯招次序前數天，阿柴進了一趟醫院，問忙得氣急敗壞的男護：「做護士好嗎？」豈料對方拋下一句：「揾笨嘅！」阿柴於是在聯招時，把護理系排到第6，前面插了個高級文憑擋着，鐵了心不要讀這科，「病人唔開心啦、個護士好似好sad咁啦、好攰啦、冇氣啦、醫生又黑口黑面啦。」
出書細訴公院苦與樂
想不到，他卻誤打誤撞成了北區醫院的男護士。阿柴說，實習後他漸對這行業改觀，「最由衷，點解想做護士？我想幫人，我想人哋需要幫助時幫到人，幾小都好、斟杯水都好、轉床都好，呢樣嘢係開心嘅」。
入行3年，他駐守過內科外科病房，每天忙至虛脫，但只要每次成功察覺到病人異樣而救人一命，均令他無比滿足。
去年離職後，阿柴密密將醫院見聞投稿網上平台，近日更推出新書《On膠36小時》，書寫公立醫院的趣事，除了讓其他人更了解護士的工作苦與樂，也有對醫療制度和人生的反思。
阿柴說：「護士有護士好獨特嘅價值，醫院有醫院嘅價值，我唔可以話因為一件好唔開心嘅事或者一件好唔公平嘅事，抹煞晒佢所有嘅嘢。既然你知道唔可以只抱怨嘅時候，你就要嘗試改變佢。」
■記者袁柏恩