【本報訊】警隊昨首次在春季舉行招募日，接獲近1,300份申請。有投考見習督察的應徵者直言，警察非首選職業，只因薪高糧準，「真係除暴安良、儆惡懲奸咩，唔好玩啦」；也有應屆大學畢業生立志當警察，擔當政府與市民之間的橋樑。
「叫你掟催淚彈唔通唔掟？」
警隊在本財政年度將招聘1,510名警務人員，包括190名見習督察及1,320名警員。現年27歲的鄒先生昨投考見習督察，「薪高糧準穩陣，都係嗰啲，真係除暴安良、儆惡懲奸咩，唔好玩啦」。他指若處理警民衝突時，違背自己理念也沒問題，「上頭點講就點做，都係工作一部份，收得糧預咗」，並認為警隊只是執法機關，「執法冇權揀嘅，譬如你老頂叫你掟催淚彈，唔通唔掟咩」。
科技大學應屆畢業生周同學也應徵見習督察，他坦言只當吸收經驗，即使獲聘也不會做，因以前認為警察很威風和正義，但雨傘運動後覺得很黑暗、很暴力，加上警方拖延檢控7名涉毆打示威者的警員，「好似想不了了之，成件事淡咗就當冇發生過」。樹仁大學應屆畢業生李同學曾猶豫應否投考警隊，「但之後自己諗一諗，其實佢哋都係做自己份工，係政府同市民之間嘅中間人，所以唔係咁應該不斷咁鬧警察，或者打佢哋」，她認同學生追求民主理念，但過份激烈，應用和平方法。
昨招募日警方共收到近1,300份申請，包括應徵見習督察、警員及輔警。十多名熱血公民成員昨在警總外設街站，反對引入辱警罪。成員鄭松泰指警方在雨傘運動期間大規模濫捕示威者，製造白色恐怖，淪為大陸公安。他指設立辱警罪是對警隊最大侮辱，「只有懦夫同無能嘅警隊先至要利用以言入罪方法，去恐嚇香港市民」。
多個支持警方團體就在中環遮打花園集會及舉行圖片展。正義聯盟召集人李偲嫣以一身「學生妹」打扮出現，在貼有泛民頭像的地上「跳飛機」，並上演街頭劇。她指過去兩個月收集到10萬個簽名支持引入辱警罪，會就量刑級別提出建議，料7月交政府。
■記者王家文
應徵者心聲
李同學：
「想加入商業罪案調查科，因為工時比較穩定，唔會好似重案組咁比較忙，同成日都要返shift（輪班）」
張先生：
「經歷佔中、反水貨客示威，覺得警察除咗維持治安，都可以幫助市民，唔一定話係支持定反對，但了解嘅嘢一定多咗」
