上月12日今季首場新馬賽的賽日，姚廐「平民百勝」贏了新馬1000米，另憑「平天下」建功起孖。周日(3日)姚本輝再派前駒出戰新馬賽，配合另一不敗分子「奮鬥雄心」出擊，勢可延續姚廐近兩季每逢贏新馬賽之賽日，例可起孖的傳統。
第一場「平民百勝」上次初出贏直路賽，全程越放越有，最後收韁贏一馬位，盡顯非凡實力，復課仍由連達文主試，「福嘉皇」一族跑長200米問題不大，歷年三匹初出贏新馬賽之姚廐馬「正蝦王」、「金津好」及「崇山寶」，翌仗合力交出兩冠一殿佳績，照咁睇「平民百勝」要再下一城應該無難度。
第四場「奮鬥雄心」上仗初出贏完，今次再跑四班千二米，拼後曾由潘頓作拍跳砥礪，備戰態度認真，加七分實際只多負上仗五磅，同主馬「奮鬥心」首季四捷，可見幕後急進，「奮鬥雄心」只贏一場肯定未夠喉。