英超冠軍極大機會落在車路士手中，所以今星期智勝雙雄談論的話題，就落在護級球隊身上。
立民：Stephen，你覺得邊三隊會降班呢？
Stephen：新特蘭啦！今季每場得10.6次射門，係入球「細」比率最高球隊（67%）。唔入波，場場畀你和到波，攞到38分都有機會降班㗎！
立民：都係嘅，黑貓就算有九條命，睇怕都幾難救。我就覺得般尼都「忟忟哋」，佢哋係今季作客贏波最少球隊（1場），最後四場有三場係作客，仲要近八場入得一球，唔識入波又點贏波呢？
Stephen：作客差又唔係般尼專利嘅，唔好唔記得仲有QPR！QPR作客分數（7分）比般尼（8分）仲少，成季得一場可以唔失波，作客入球「大」比率（75%）僅次於熱刺（82%），所以作客賽事吼住佢哋買入球「大」就啱晒！
立民：即係大家都覺得新特蘭、般尼同昆士柏流浪最後要降班啦！
Stephen：係，呢三隊應該冇大奇蹟日！
立民：咁今個星期……
新特蘭今周即使主場出擊，迎戰修咸頓相信都沒有優勢，畢竟球隊近10場聯賽只得一勝，當中沒有一場入多於一球。修咸頓有加斯安奴柏利重拾射門鞋，球隊仍想爭更高排名，只讓平/半可以出手。另一場，已連續兩場冇入球的利物浦，對上四季連交兩場白卷後的五場比賽都開出入球「大」，今場面對決心及入球能力均夠的昆士柏流浪，有力熱開入球「大」。
STEPHEN、立民
有線球彩台、智勝館主持