Miki籌備婚禮 未Plan請傅穎

Miki籌備婚禮 未Plan請傅穎

楊愛瑾(Miki)日前承認與拍拖8年的郭永淳將拉埋天窗,準人妻前晚風騷在銅鑼灣出席YSL唇妝活動,問到Miki會否與好姊妹吳雨霏取經搞婚禮?她表示:「等佢得閒先,多個朋友多個意見,不過其實最close啲朋友,好似Stephy,我返嚟已經一早講咗。」問她會否請傅穎出席婚宴?她表示:「未知,真係未plan有乜賓客,唔想咁大型,想一班朋友開心,唔想做show咁。」

至於同場還有Jessica C.(JC)、鄭欣宜、蔡穎恩(Evelyn)等,當中JC以tube dress短裙谷胸最為性感。JC早前27歲生日與男友安志杰食pizza慶祝,有點慳皮,她笑言:「他都有叫我出去高級餐廳,但我同佢講喺屋企relax,可以唔使化妝,唔係錢嘅問題,今晚(前晚)戴住呢條Tiffany鏈都係佢送嘅。」JC又透露男友下月生日,記者提議她送戒指或跳table dance,她笑言怕尷尬。
採訪:溫敏芝
攝影:葉君海

JC食pizza過生日,幫男友安志杰慳不少。

Evelyn(左二)型格打扮示人。

為肥人爭光的欣宜,甚有自信。