原來阿仙奴同《衝上雲霄》嘅Sam哥一樣，啲衫都係由法國老牌子Lanvin贊助。兵工廠派出七名球員包括哥林張伯斯（左起）、韋舒亞、阿迪達、奧斯賓拿、禾確特、法米尼同埋奧斯爾，同白俄羅斯超模Olga Sherer，拍攝佢哋裝官方西裝嘅宣傳海報。呢張海報型得嚟又幾幽默，事關奧斯賓拿、法米尼同奧斯爾都相當入戲，將麻甩佬贒女嘅神骨髓完全表現出嚟。而喺本月30號對阿士東維拉場英足盃決賽，阿仙奴班球員就會穿着由Lanvin幫佢哋度身設計嘅西裝落溫布萊嘅草地踩場。
韋舒亞就話：「阿仙奴係間大球會。我哋落車嗰吓梗係要又型又醒啦。法國牌子啲剪裁不嬲又靚又『弗』，特別係呢個老牌子，我肯定班隊友同我一樣都咁鍾意。」阿仙奴班球員個個都好似Sam哥咁型，未同維拉踢經已先贏咗個勢。
識睇，一定係睇足英台【英波Live】：
http://soccer.appledaily.com
http://bit.ly/engballlive