前新聞主播黃紫盈（Connie）早前為雜誌到日本拍攝婚紗特輯，其間不但帶隊玩轉東京與大阪， 她更順道到立山黑部旅遊小休。Connie上了雪山浸溫泉，她笑說：「浸溫泉都有影相，不過自己留念得喇，我去咗一個叫『雪之大谷』嘅地方，嗰度堆積咗成個冬天嘅雪，啱啱用鏟雪機開番條路出嚟，兩邊積雪仲足足有成19米咁高，雖然當時橫風橫雨，不過我同朋友都堅持落車影相，點知就被風吹到連遮都爛埋，狼狽到暈。」
Connie本來到尼泊爾行山，但當地發生大地震，傷亡慘重，令她十分震驚，她說：「災難好難預計，希望大家有錢出錢，或者將舊衫捐畀相關慈善機構，因為當地溫差好大，夏天、冬天衫都有需要。」
採訪：藍文浩