早排「四叔」李兆基話,若然政改方案獲通過,恒指上望3萬點不是夢,仲話唔過股市走勢會「牛皮」,不過早排一邊同記者食飯,一邊入貨掃港交所(388)嘅經民聯立法會議員張華峰唔係咁睇,話如果政改一旦否決,個市會最多跌3日,但係跌完之後又會再升。
明日64歲生日嘅張華峰,佢班經民聯議員老友,好似林健鋒、石禮謙、梁美芬,就準備咗個蛋糕賀佢。張華峰話,佢生日願望係政改通過,佢話政改否決最多跌3日,同樣政改一旦通過,佢預計個市會升足3日,但係升完之後,又會跌番。總之通過與否,對股市嘅影響都係短暫,咁究竟四叔定張華峰準啲呢?6月表決後咪知囉!