郭偉亮(Eric Kwok)同老婆葉佩雯噚日喺尖沙嘴出席法國醇酒活動,佢話起身時發現右手突然腫脹,唔方便郁動,所以活動上都由太太餵食,佢仲講笑話要太太照顧一世。Eric話:「懷疑係發炎,又或者噚晚食完牛尾敏感,一陣睇醫生。之前一日測試睡眠窒息症要全身麻醉,唔知係咪有後遺症。」佢仲話最近狂煲《大時代》,話睇到劉松仁嘅戲睇到喊。