呢排唔少人都四出打探有咩「冧巴」可以大撈一筆，但股民對全球經濟前景分析嘅專業講座又唔知有幾大興趣？今年喺香港舉辦嘅世界商業論壇將於下月2日至3日舉行，論壇最重量級嘉賓係美國聯儲局前主席伯南克（Ben Bernanke），不過即使有興趣，門票一啲都唔平，現時做緊優惠價都要$15,500，原價要成$19,900。
伯南克會喺6月2日下午5時以「全球經濟展望」為題演講，主辦單位網頁介紹佢時，話伯南克喺2006年至2014年間連任兩屆美國聯邦儲備局主席，面對自大蕭條以來最嚴峻經濟同財政挑戰。八方相信出席嘅人士一定會集中問佢美國究竟幾時加息，等大家喺樓市同股市投資上做好兩手準備。