雞鴨鵝三人組質問泛民，唔肯袋住先，之後點爭取真普選。學者也盲目唱和，叫泛民拿出「其後」的部署。泛民已被趕入窮巷，被遊車河、被冇艇搭，還敢公開下一步？不怕政府衝紅燈撞過來嗎？不怕冷笑的狼精心炮製一場政治南丫海難嗎？反過來，市民想知道，一定唔得之後，政府點樣落實「由盛轉衰」和vote them out的趕絕泛民毒計，由狼佈局，三招攞命：
抽水。北水南水都會落閘。只有勁污染而且勁貴的東江水繼續滾香港人錢，滾完還迫香港人感恩，告知市民香港被泛民拖累，命水唔好，唔配盛世，抵你冧市。
放人。放任持槍兼戴人皮臉具的強國強盜一周一行，「清洗廣東道」金行！重創尖沙嘴，海港城夜晚變成桂林街夜市，人人鳩嗚篤魚蛋，鋪租插水。離地中產實向泛民問責，票債票償。
大媽襲港。B B遭自稱美孚13期的大媽取代，泛民日日被圍，寸步難行。落區？大媽指控你非禮，派傳單，大媽罵你鹹濕，唔睬佢，大媽扯低領口告你性別歧視。