歌手陳慧敏噚日去咗商台接受訪問，宣傳新碟《小人物》，今次係佢第二次出碟，除咗有佢作嘅歌外，仲有佢親手畫嘅插畫同手寫歌詞。陳慧敏話自己讀藝術，今次可以學以致用，感到非常滿足。佢透露碟中一首歌《完場曲》係送畀前男友，講述兩人相處嘅難忘同經歷，雖然最終冇美好結果，但係陳慧敏話：「段感情已經放低咗，得到領悟就放手。」