嶺南大學學生會請樂隊「血汗攻闖」喺校園獻唱《Fxxk The Police》粗口歌，搞到俾藍絲瘋狂圍剿，民政事務局前局長藍鴻震仲話「震驚亞洲」。校長鄭國漢噚日終於「做嘢」，代校方公開道歉，仲書面警告學生會，如果再犯就紀律處分。
大學生因為粗口而被校長出信警告，真係聞所未聞。校方解釋，根據校規可以處分有損大學聲譽既學生，而粗口事件已經令嶺大聲譽受到「實質損害」，仲影響社會對嶺大生觀感喎。紀律行動輕則發警告信，重則終止學籍。校方保留拒絕「血汗攻闖」再來嶺大演唱嘅權利。
嶺大學生會外務副會長柯凱齡批評校長無視學生俾人出言恐嚇，反而出公開信道歉，有偏袒校外政治團體之嫌，出動學生紀律委員會更係小事化大。