封胸版《武則天》被惡搞心口落廣告

封胸版《武則天》被惡搞
心口落廣告

香港人食腦,所以處處都係商機,植入廣告更係無處不在。例如,平時搭巴士港鐵,一定睇過唔少。

既然連一刻逃離廣告嘅空間都冇,咁不如把心一橫,去盡啲,喺心口賣廣告!呢個idea係來自高登創意台。喺邊度賣?就係喺大台套封胸版《武則天》賣喇。

因為尺度問題,大台將套《武則天》加CG「封胸布」,一眾女角就由著露深坑嘅戲服,變封坑戲服。觀眾冇深坑睇喇,自然會將焦點落喺捉吓大台有冇漏網之「罅」啦。拿!就喺呢個moment,廣告商可以喺嗰塊「遮胸布」度落廣告喇,肯定有人睇到,而且仲可以分收費等級,主角收最貴,配角收平啲。想知效果如何?高登仔就做咗各式sample俾大台參考。呢個賺錢嘅方法,究竟得唔得呢?!