八方日前都講過，台灣導演李惠仁用咗足足3年時間拍攝紀錄片《蘋果的滋味》，記錄壹傳媒喺台灣發展嘅歷程。紀錄片前晚喺台灣公共電視首播，開首寫明「謹以此片向因為不斷說真話而被捕入獄的中國記者高瑜致敬」，然後播出壹傳媒創辦人黎智英嘅訪問，肥佬黎提到壹傳媒喺台灣以狗仔隊跟蹤名人引起嘅爭論時回應：「我們來的時候外國很多地方也有了（狗仔隊），也不是我們創的。」
此片前半部主要講述台灣《壹週刊》、《蘋果》點樣帶入狗仔文化，形容狗仔隊係照妖鏡，反映出以往所謂「名門正派」媒體嘅偽善，亦訪問咗台灣壹傳媒工作人員，了解佢哋對被名人狠批點睇，同時亦有訪問卧底記者。有總編則提到有位教師曾經因為被報道醜聞而自殺，形容事件對佢哋嚟講係好大嘅教訓。
後半部則講述肥佬黎申辦壹電視屢受阻、以至反旺中、壹傳媒轉售案等事件，點出商業利益同言論自由、傳媒自我審查嘅問題。紀錄片已上載至YouTube，大家可以去 https://www.youtube.com/watch?v=zW0vPwuYYhI&feature=youtu.be睇睇。