今屆鑽石田徑聯賽下月15號喺多哈開波，喺兩日後即17號嘅上海站，據了解有關方面會喺比賽完結之後，為本月初喺微博宣佈退役嘅中國欄王劉翔，舉行一場簡單而隆重嘅退役儀式。家陣仲未知呢場退役儀式會有乜嘢具體安排，淨係知道劉翔會現身上海體育場，親口同所有人講一聲「再見」。消息人士仲話，跨欄界一眾名將包括美國嘅奧利華同埋A米列特等，到時都應該會嚟上海。