【本報訊】泛民一直批評政改方案要有過半提名委員支持才能出閘，泛民幾乎篤定「有入冇出」，不能成為候選人。全國政協副主席董建華昨反駁稱，任何人可入閘便有機會出閘，問題在於參選人是否「反中」；又指既然政改方案可結束內耗，更加可以討論2020年的立法會普選：「我真係唔明，泛民筆數係點計！」
指通過政改可結束內耗
董建華反駁泛民候選人有入冇出言論，指最多可有10人入閘選特首，泛民是有機會入閘；由於提委在提名階段，以投暗票選出2至3位候選人，故泛民出閘仍有機會，但要視乎參選人的能力、地位、經驗、能否取信於人，以及是否反中：「好緊要嘅係，我相信大家都會睇，佢係咪一個反中嘅人，佢係咪會堅持一國兩制嘅人呢？」
董又認為通過政改，一來可以結束內耗，二來可繼續討論2020年立法會普選與及往後特首普選：「我真係唔明！我真係唔明泛民筆數係點樣計！」
董建華認為，泛民中有不少議員良心上和理智上也明白，通過政改符合香港利益，只是擔心被標籤為轉軚、民主叛徒，董呼籲若他們漠視主流民意，「要面對廣大市民認為佢哋脫離群眾嘅真正壓力」。
■記者姚國雄