【壹週刊】一班少女迷戀女僕文化，享受穿起女僕制服工作。開工時，如何騎呢的宅男，女僕都會覺得他們是「男神」。但當回到現實，又是另一回事。記者訪問了三位女僕，她們都會覺得這班「主人」唔多掂。
22歲的施施表示，幾乎每星期都有宅男向她示愛，驚嘆宅男們會這麼大膽直接。而令她最驚的，是一些行為如日本AV癡漢的宅男，「有時落樓下派傳單， 宅男會跟埋落去，我派半個鐘，佢就企足半個鐘，仲會全程望住我傻笑，好恐怖。」有些宅男，更會等她收工，企圖跟她返屋企。
同是22歲的小葵稱，宅男雖然外表斯文，但其實是鹹濕仔一名，「佢地成日都想同女僕有身體接觸，借D意掂下你，摸下你手仔，又或者搭你膊頭。」另外，小葵又遇過一些變態客 人，直接提出性要求，「試過有個宅男日日打電話到女僕cafe，話想同女僕肉搏（做愛），呢種做法擺明係性騷擾。」
而她平時和客人多數以facebook聯絡，但有些宅男令小葵不勝其煩，「例如佢地Inbox我，若然我遲些或唔記得覆，班宅男就會轟炸我Inbox，好似我係佢女朋友咁，好煩。」
而17歲讀中四的幸子，現時沒有男友。不過，坦言想拍拖的她，堅稱絕不會和宅男顧客拍拖。首先，她覺得宅男外型騎呢，「佢地個樣咁……。」而最令她抗拒的，第一，是不知道班宅男內心想甚麼，「試過一個宅男，我係佢身邊行左七次，佢竟然七次都問我叫乜野名，真係好想死。」
而幸子又說，有些宅男會將女僕視為性幻想對像，自瀆時會想著女僕，作為學生妹的她，會否害怕？她說：「都無辦法架，我又阻止唔倒。」
她們三人都很享受做女僕，即使時薪只有三十多元也沒所謂。由於人工低，施施和小葵都有正職。施施是私影Model，小葵日間有一份文職工作。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/