2800萬綁架案震驚全港，《壹錘定音》主持李慧玲指出，這宗案件發展至今，至少三大疑團未解，她期望警方可以盡早查清楚，給大公眾一個答案。
第一個疑團，是究竟這宗綁架案的匪徒是臨時起意，或是早有預謀。慧玲指，通常綁架案都是匪徒事前經過周詳策劃，以往近乎沒聽到有案例是匪徒心血來潮去綁架人。然而是次案件有兩個版本，其中一說是匪徒上門打劫之後嫌財物不夠，於是順道綁架屋主女兒，勒索贖金。另一個說法，是匪徒早已打算綁架，不過順手牽羊，將單位內財物劫走。
第二個疑團，是這宗案件是否跟以往不少綁架案一樣，由熟人所為。慧玲指：「所謂熟人做，包括可能涉及商業糾紛、錢債問題等等；換言之，都有啲『藤?瓜，瓜?藤』嘅原因，今次係咪都係咁呢？抑或純粹三五識七，被匪徒『點指兵兵』點中？」她指如果屬後者，驚嚇程度又高幾分。
第三個疑團，涉及警方的處理手法。慧玲指出這次警方是待事主交完贖金，匪徒釋放人質後，才採取追捕行動，「警方呢種以人質安全做第一優先嘅做法絕對正面，不過同以往睇到警方處理綁架案嘅做法好唔同。警方一向都唔會贊成先畀續金，用嚟交換人質安全，究竟今次警方點解會用咗唔同嘅手法處理？當中有啲咩原因考慮，相當惹人關注。」
慧玲期望警方可以盡快破案，以及解答上述三大疑問。她總結稱，整宗案最幸運的，是人質平安無事。