建制派近日空群而出，為政改方案講盡好話，又指提委會提名時採取2+N票，所以就算建制、商界提委，亦有可能分一些提名票給泛民，令泛民候選人增加出閘機會。有泛民中人看到這些言論，「佢哋當我哋係儍，定係以為我哋唔記當年林順潮選人大，畀佢哋操控投票結果，由大熱變踢出局單嘢？」
該泛民中人說，港區人大代表提名及選舉方式，其實接近目前提委提名辦法：先由一定數目人大選舉會議成員提名，就可以參選，之後由選舉會議進行預選，篩走部份候選人，再由選舉會議作第二次投票，選出港區人大代表。該泛民中人稱，現時特首提名程序，與港區人大提名、選舉有九成相似，「都係畀泛民入閘，但就用預選唔畀你出閘」。
他說北京一直以操控選舉會議成員投票方法，確保在預選中踢走泛民候選人，結果2002年港區人大選舉，就因操控投票「玩得太盡」，令林順潮在預選時得票第5高，正式投票時卻不見了過百支持票，得票第41名出局，他記得當年林順潮也為此向他大呻。
林順潮事件說明，特首提名就算採取2+N票，以中共過去操控投票的經驗，「要踢泛民候選人出局完全冇難度，提委會有1,200人，泛民成員得200左右，北京絕對有能力叫其餘1,000人投同一張名單，好似當年對林順潮咁，要你得票排第5又得、排41都得」。
季陶
周一至周五刊出