記得上季，高廐「萬醒駒」曾在一場谷草1200米賽事中咬向「城中話題」。雖然其後的一段時間「萬醒駒」都保持規矩，沒有在陣上咬馬，不過這匹馬在本季1月7日的賽事中，又再魔性重現，在賽事末段數度咬向「銀飛龍」，幸好沒有造成意外。
今期賽事第二場四班1200米，「萬醒駒」呢位「馬壇蘇亞雷斯」終於再同「銀飛龍」相遇，究竟佢到時會唔會再發狂咬馬，呢刻真係冇人估到，但可以肯定嘅係，兩隻馬都係今場實力份子。先講「萬醒駒」，此駒歷來八戰同班同程，一共奪得兩亞三季一殿，只得兩次冇獎金，今次再攻強項，三甲機會高；至於「銀飛龍」就更犀利，歷來曾三勝同班同程，包括季內與「萬醒駒」串Q一仗，故今次這灰馬再遇「馬壇蘇亞雷斯」，要再贏又有甚麼出奇呢？