雷神莫雷拉騎馬有過人之處外，揀馬騎亦眼光獨到。翻查紀錄，上月至今雷神接手14匹別人搏失的二、三名入位馬，牠們改由雷神操刀，交出四勝九位一第五，上名率約93%。
今期(29日)夜賽徐廐「天狼星」、蔡廐「信眼光」及沈廐「叻陶寶」，上仗只得位置未竟全功，這次悉數打王牌兼排中內檔，形勢理想，加上由雷神接手，估計包冇甩拖！
頭場「天狼星」一連三戰非亞即季，跑得密埋門仍由雷神試大閘，擺明要仄準出擊，戰意爆燈！第六場「信眼光」13戰谷草1000米兩勝七位，路有專長，蔡廐馬上完名換雷神多數繼續好，睇配搭已顯示再拼決心。第七場「叻陶寶」連仗入位進步可見，再攻兩戰全上名的谷草1200米，騎練近九次合作四冠一亞兩季兩殿不失前四名，值得睇高一線。