【本報訊】繼港大、嶺大、理大和浸大後，城大昨展開一連7日退聯公投，截至昨晚8時10分，投票率為5.42%，距離所需法定票數約900票。對於學聯決定不再用學聯名義參加支聯會舉辦的六四燭光集會，不少城大學生認為六四晚會流於「唱K」，失去原有意義，內地民主港人鞭長莫及，新一代應聚焦保障本土利益。大部份已投票的受訪同學均支持退聯。
城大退聯公投昨起展開，若總投票人數達學生數目十分之一、約1,800票，即為有效。力主退聯的歐仲平指投票情況理想，相信投票的同學不滿學生會近日以「黑底黑字」、拒簽公投議案等方式打壓公投。
反對退聯的學生會相信退聯可能性「一半一半」，學生會外務幹事王寶儀表示會尊重同學意向，「無論最終結果係咪退聯，學生會都會繼續保持跨院校合作，希望建立一個持久同穩定嘅溝通平台」。
學聯：六四集會無抗爭精神
商學院二年級生麥同學批評，學聯未能連繫各大學，認為上繳學聯的資源可用於學生身上。建築系三年級學生Cat指，學聯在雨傘運動中變成掣肘，令運動錯失多次升級時機；她指現時學聯決定不去六四燭光集會，只為拉票，「我覺得六四集會喺呢個時代已經冇咗個意義，好似變咗一個好唱K嘅活動，我覺得中國走唔走向民主同我哋已經太遠，責任太大，唔到我哋去做」，認為港人已經沒有能力照顧內地，目前應先保住香港。
公共政策三年級生Susanne不同意退聯，擔心會分散學界的力量，「我覺得就算真係退聯，下一步都未plan好，造成本來好團結嘅學生組織分散咗」。她表示會繼續參與六四燭光集會，「我唔會理支聯會係點，我真係因為六四呢件事本身嘅意義而去，有時啲嘢唔可以分得咁清，有時啲人話咩左膠呀，真係可以分得咁清咩？更分散香港團結嘅力量」。
學聯常委、浸大張崑陽昨在電台節目中批評六四集會只停留於悼念的哀傷層面，未有帶出抗爭能量和精神，亦未有聚焦當年學生提出的訴求，「將呢啲嘢正面帶出嚟，我相信先至可以啟蒙到下一代不停咁抗爭」。
支聯會副主席蔡耀昌表示尊重學聯決定，認為每年巿民聚集維園是向中共抗爭的手段，維權律師滕彪在去年六四集會上發言，亦提到支持去年的佔領行動，認為集會有回應近年的社運抗爭。
■記者張嘉雯
學生意見
Susanne 公共政策三年級
「唔係幾支持退聯，因為咁樣係分散咗學生嘅力量。」
Cat 建築系三年級
「支持退聯，因為每年畀咁多錢學聯，學聯喺今次雨傘運動上實在係做得唔好，佢有責任要負番。」
