周三續上演另一場德國盃準決賽，由丙組的比勒費爾德（圖），越級挑戰德甲次席的禾夫斯堡。雖然人腳及實力上「狼堡」贏晒，但比軍勝在主場硬淨，而且有上圈爆冷淘汰德甲三哥慕遜加柏的往績支持，一於再博比軍頂得住半場，取[半和]。（球賽編號：星期三32；無綫網絡電視13台明日2:30am直播）
猶記得上圈比勒費爾德迎戰慕遜加柏亦是由筆者推介，結果順利命中[半和]，但料不到的是這支丙組榜首隊，竟能藉互射12碼把慕遜加柏淘汰。今迎禾夫斯堡時，比軍幾近「夫添」，主力如隊長兼前鋒的法比安高路斯等均可以候命，加上中場大衛烏姆又腳風頗順，上仗梅開二度，不難在上半場頂得住狼堡。畢竟，比軍於主場表現極佳，近10場主場共獲九勝一和。
禾堡走樣四戰不勝
狼堡在上場德甲以0:1不敵慕遜加柏後，連續四場不勝。雖然球隊今役亦可以強陣，其中前鋒巴斯杜斯更料會取代賓特拿擔正，但問題是「狼人」最近陷入球荒，球隊若要取得入球，可能還看中場奇雲迪布尼及舒賀爾尼等的表現，故不宜過份高估。
賽制：德國盃為一場過賽事，若兩隊在法定90分鐘內打成平手，則需加時30分鐘，如加時再和，則互射12碼決勝。
文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive