噚日喺中環街頭，有廿幾個人披上樹木裝束跑步快閃，好鬼惹人注目，原來佢哋係為咗宣傳「全城街馬」（RunOurCity）喺今年9月6日舉行嘅「太陽國際金融集團香港街馬@中環2015」。
全城街馬呢一項全港首創、玩足全日嘅馬拉松活動，9月6日當日朝早設3公里及5公里跑步賽事，路線途經中環地標同埋歷史建築物、維港海旁同摩天輪等，最啱未試過街跑嘅人士。
大會屆時仲同時喺中環海濱活動空間設置以森林為主題嘅香港街馬嘉年華及運動博覽會。
全城街馬5月15日開始接受報名，詳情可以參考呢個網站： http://runourcity.org。