如果要準備入閘選特首，就真係要周街好朋友，以免仇人多而令到啲票流走。早前喺報章撰文話香港有大批菲律賓傭工淪為外籍男士嘅性資源，結果惹嚟各界狂轟甚至菲領館都話關注嘅新民黨主席葉劉淑儀，繼向覺得被冒犯嘅人致歉後，日前仲喺新民黨秘書處親自接見亞洲外傭協調組織等團體代表耍冧。葉劉喺facebook話呀，約50分鐘會面期間，佢就相關文章所引起外傭同相關團體嘅關注及不滿再次致歉，承諾日後會更小心。而團體代表則反映咗外傭在港嘅工作情況同遇到嘅問題，例如外傭受虐個案等，佢承諾會跟進佢哋轉介嘅個案，並與團體代表建立固定嘅溝通渠道。