日本網球王子錦織圭周日喺巴塞隆拿網賽嘅男單決賽，以直落兩盤6:4贏咗東道主球手安杜查，成功衞冕兼第九次拎ATP冠軍。圭仔上年喺呢個比賽，贏到職業生涯首個泥地賽；今年再贏，佢就話喺紅土場嘅信心大增，而且以後都會返呢個福地打波㖭。法網三周後就開打，趁住九屆冠軍拿度復出後狀態麻麻，話唔定圭仔可以好似師傅張德培咁，爆冷稱霸法網喎。