A股水產股龍頭獐子島去年爆出醜聞，公司突然宣佈主要資產，價值8億元人民幣扇貝因遇到冷水團全部死亡。當時市場譁然，股價插水近三成，但而家股市炒到興起，獐子島股價由今年三月起開始反彈，至今比去年出事前仲升凸逾兩成！
獐子島今年首季仍虧損，基本因素冇改善。股價大反彈，並非之前神秘死亡的扇貝死而復生，而是因獲得一間名為海洋管理委員會機構（MSC），頒發MSC可持續漁業標準認證，據聞有利在歐美國家銷售。
按照獐子島公告話，呢個MSC認證程序，必須考慮可持續發展、生態多樣性以及良好管理體系三大原則，即係話公司三方面都好掂。至於點解係咁好管理下，扇貝都會突然死晒，股民都好識趣，無謂再去深究，最緊要有得炒。
黃尹華