環球信貸（1669）主席王瑤（Nicole）堪稱財仔界「性感女神」，佢幾乎每次見人都會請人食冰淇淋，不過自從佢間公司喺舊年底上市後，佢就越着越密實，噚日同傳媒食晏時，直情係着牛仔褲、恤衫，casual到不得了。
說到底，女性要事業有成，最需要唔係show事業線，而係show事業心。Nicole噚日亦好實際咁分享公司今年發展策略，包括將來公司廣告未必再喺傳統媒體出現，4個月之後會開發一個新app，除咗俾人申請貸款之外，仲有一個功能係會令所有置業者，每日都想去click一click，至於係乜呢，佢就大賣關子。
講起近排股市炒到㷫烚烚，Nicole有冇落鑊炒埋一份？佢就話自己之前有買指數基金，𠵱家忙過鬼根本冇時間投資咁話。