「袋住先，袋一世」vs「唔袋，一世都冇」。
袋是空的，無真普選，只得假鈔。今日袋，假的；明日袋，一世都假。AB餐，都係冇米落肚。唔袋，冇假嘢喺身，至低限度，還我清白，屈你唔落。
三十年來爭取普選的民主派，忽然變成政府口中阻撓普選的千古罪人。這種「劇變」，內地朋友瞪大眼反問：「香港唔要一人一票選領導？我們要啊！真的假的，都一定要得！反正我們懂得怎麼處理假的，每個中國人都被訓練到，平常心對付假嘢。」
好，就平常心吧。831方案拉倒以後，真的、假的都無。本來無一物，中共從來無諗過給你，不用夢囈了。林鄭挑機問泛民，否決後怎樣爭取普選，問中要害。泛民，心知肚明，否定唔否，都輪唔到你去爭。袋住先打回頭，泛民被迫埋牆釘蓋，從此以後，沒大佬沒主場，人人命運自主，水炮車開路下，高官衝得幾多次紅燈呢！王永平「兩年內可能暴動」的預言，一部兩部三部曲再啟蒙，到位！