周日英超榜首大戰兼倫敦打吡，阿仙奴主場賽和車路士0:0，車路士以77分續排榜首，領先曼城及阿仙奴10分。
阿仙奴沿用聯賽八連勝的骨幹陣容，基奧特及阿歷斯山齊士等齊齊正選攻堅。另一邊廂，雖然杜奧巴趕及今仗候命，但車路士將「魔獸」先列後備，而將奧斯卡杜斯山度士推上鋒線，並派上拉美利斯，加強活力，與倒戈的法比加斯等鎮守藍戰士中場。
法比插水遭狂噓
形勢上，阿仙奴主攻，但攻勢未見太大威脅。車路士在16分鐘有次黃金機會，法比長傳，奧斯卡單刀挑射，笠過了對手門將奧斯賓拿，但阿仙奴右閘比利連包到並成功解圍。法比在23分鐘插水，欲博12碼，但被罰黃牌，他遭主場球迷狂噓。
34分鐘出現爭議性一幕，比利連傳中，辛迪卡索拉抽射，加利卡希爾有明顯手球，阻擋了射門，但球證沒理會。38分鐘，車路士再有反擊，韋利安傳中，皮球彎過阿仙奴防線，交到拉美利斯腳下，後者即射但欠力度，被奧斯賓拿接實。換邊後車路士加強進攻，換入杜奧巴，但無法攻破兵工廠，雙方互交白卷。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive