嶺大學生會本月中喺校內活動，邀請「血汗攻闖」樂隊演出，獻唱歌曲「Fxxk The Police」，事件引起周融有份發起嘅「幫港出聲」關注，噚日發聲明話辱警歌曲「引來社會公憤，輿論譁然。此等惡行，在全球任何國度地區都不能容忍」，指學生會水準低、厚顏無恥，程度係曠古未聞、前所未見，要下台，甚至話嶺大校董會要嚴肅處理，以平息公眾覺得校方護短，全港市民仲要一齊聲討嶺大學生會㖭。
一首粗口歌啫，咁都要被狙擊？嶺大學生會會長劉振琳同八方講，學生會歡迎社會各界人士發表意見；至於落唔落台，就要睇下有冇同學就事件要求啟動辭職公投，該會願意承擔責任。