梁樂民
出道之初以擔任電影美術為主,曾參與製作電影包括《保持通話》、《葉問前傳》、《特務迷城》。《寒戰》是他與陸劍青首次執導作品,即贏得香港電影金像獎最佳導演及最佳編劇獎項。
陸劍青
1993年開始當上副導演,參與製作70幾部作品,執導《寒戰》前曾參與多部製作,包括《葉問前傳 》、《伊莎貝拉》、《百分百啱Feel》、《初戀無限Touch》及《喜劇之王》等,亦曾在多套擔任副導演電影中客串演員角色。
「唔想觀眾嘥錢」
「希望香港人鍾意呢部屬於香港嘅諜戰片,香港人值得擁有一部自己嘅諜戰電影。」兩位導演如是說。雖然成本高、演員多,不過兩位導演一樣緊張成績。成名作《寒戰》緣自希拉莉08年出戰美國總統選舉時的辯論,《赤道》則來自當時的資料搜集,梁樂民說:「我哋做觀眾耐過做導演,希望觀眾睇完唔會失望,而唔係覺得浪費時間同錢嘅。」
被攝影記者大讚斯文的陸劍青笑說:「細個喺麗宮戲院前座睇場戲3個半,唔好睇的話同學仔都會話嘥咗幾蚊,呢個回憶好有趣。但係到今時今日,一張戲飛至少70蚊,加埋拍拖要去食餐飯,仲有成日嘅光陰,我哋唔想大家睇完我哋嘅電影會好洩氣。」