【本報訊】《第四公民》主要在香港拍攝，人權律師文浩正是唯一在片中亮相的香港人。文表示不能透露斯諾登離開美麗華酒店後的藏身之所，只形容過程驚險，「後來知道越來越大劑」。
斯諾登離港非因失望
斯諾登的身份曝光後，剃去鬍子、換上隱形眼鏡、頭髮塗定型水，坐在酒店房靜待文浩正到來。文浩正向本報表示，到美麗華酒店接走他之時，就是導演Laura在港拍攝斯諾登的最後一幕，「嗰次係第一次見斯諾登，由佢（導演）手上交接畀我」。文浩正初時只當斯諾登是普通客戶，「唔知咁大件事，接佢嗰陣滾水淥腳，要避開晒可能對佢不利嘅人」。
文浩正相信，斯諾登選擇在港爆料，就是因為一國兩制，「覺得香港同大陸係分開」，香港有健全司法制度及媒體自由，確保他能隨時對外發表言論，「其他地方未必做得到，其實佢都係博（一鋪）咋喎」。
斯諾登最後離港尋求政治庇護，文浩正指其決定不代表香港制度未能保護他，「唔係因為佢對香港失望，所以走咗。呢件事太過嚴重，過程再有變化，時機唔同咗」。
■記者白 琳