恭喜晒你啊！超過十萬人抽新居屋2160伙，咁都畀你抽中兼等5月揀樓，好過中六合彩。 但要成功上車有個安樂窩，抽中只係第一步，當你以為計掂晒數，坐定「粒六」安心上會等收樓入伙，咁你就錯喇！首期預算幾多？揀咩嘢單位？壓力測試過唔過到？供款入息水平符唔符合？等等… 我哋誠邀抽中讀者上嚟《蘋果動新聞》居屋真人show，我哋有齊各方面專家包括 著名堪輿學家麥玲玲、資深驗樓師詹濟南、設計情報中心設計總監陳禮善及中原按揭經紀董事總經理王美鳳等，幫你揀靚區按揭上會、契約文件、驗樓等等諮詢。