鍾楚紅自從息影後，謝絕拍戲，堅拒日以繼夜的緊張工作生活，並樂於享受人生周遊列國，閒來拍拍照、賞賞花、親親大自然。紅姑計劃在今年6月再開相展，將會精挑細選，預計展出7至8張相片供大眾欣賞，前晚她在跑馬地馬場出席「愛彼女皇盃慶祝派對」時，提到個人相展，她說：「相展主題都係圍繞大自然花花草草，自己上次以香港為背景，今次想着重自己內心世界。」
被問到會不會有紅姑經典自拍照，她笑說：「其實唔係幾好意思影自己同擺自己出來，今次騷出來嘅相係自己眼中覺得美麗嘅事物，有啲係關於環保，等大家關注環保，大自然對我哋來講好重要，唔會好多，今次冇諗住出書，都係7至8張左右。」
在活動上，紅姑提到大會送了一隻機械錶給她：「今次呢隻我好鍾意，平時我都有收藏古董錶，唔同錶紀念唔同階段和需要，所以我唔會割愛，自己感情豐富，唔會貪新忘舊。」
莊思華晒鑽戒
另外，莊思華和練馬師告東尼兒子告崇恩（Sean）拍拖6年，前晚結伴前來，Sean卻怕醜拒合照，不過思華被發現手上戴了一隻巨鑽戒指，即刻被追問是不是好事近，她笑說：「唔知！唔關事，隻鑽戒係媽咪送，男友未求婚，所以先答大家唔知，不過同男友傾過關於結婚嘅嘢，但未傾到好深入。」
撰文：關仁