體壇拾趣:活士訪中國風光不再

體壇拾趣:
活士訪中國風光不再

唔再係世界一哥嘅「老虎」活士,今次旋風式出訪亞洲,已經冇以前引起咁大哄動。佢噚日突然喺北京一個高球場出現,據聞今日就會過上海出席活動,後日就轉飛日本去東京做其他宣傳,但行程都幾低調,唔見好多傳媒追訪。活士早兩個星期參加美國大師賽排第17,復出第一擊嚟講都算唔錯;「金熊」尼克勞斯就爆料,活士六月好大機會參加由佢自己籌辦嘅紀念賽嚟備戰美國公開賽,真係值得期待吓。