國父孫中山建國大業艱辛，原來背後有位「港產女婿」戴恩賽力撐。戴恩賽係土生土長香港人，細細個喺西營盤高街長大，1918年喺美國哥倫比亞大學讀完博士學位，1921年同孫中山次女孫琬結婚，夫妻生咗一仔一女。戴氏為國效力，曾任廣東治河督辦，負責完成宋隆防潦工程防止洪水，又做過外交部司員、梧州市政廳廳長、財政部梧州關監督同駐巴西特命全權公使。
孫中山過身前，戴恩賽仲遠赴北京照料國父，成為遺囑見證人。戴恩賽同孫琬先後喺1955年同1979年離世，夫妻最終合葬香港華人基督教聯會薄扶林道墳場。孫中山紀念館今日起舉行「荏苒人生 孫中山次女孫琬和戴恩賽伉儷文物展」，為期4個月，展出過百份文物和圖片，想知民國第一家生活實況就唔好錯過。
孫中山過身前，戴恩賽仲遠赴北京照料國父，成為遺囑見證人。戴恩賽同孫琬先後喺1955年同1979年離世，夫妻最終合葬香港華人基督教聯會薄扶林道墳場。孫中山紀念館今日起舉行「荏苒人生 孫中山次女孫琬和戴恩賽伉儷文物展」，為期4個月，展出過百份文物和圖片，想知民國第一家生活實況就唔好錯過。