【電視風雲】
【本報訊】香港電視業進一步「染紅」！主導全港免費電視市場的電視廣播（TVB）宣佈，引入曾任上海市委副秘書長、有「中國梅鐸」之稱的黎瑞剛為股東，為上世紀60年代成立以來首個中資主要股東，股權變動已獲通訊局批准。立法會議員批評，連日來不斷有紅色資本入侵香港電視市場，反映中、港政府一心一意將香港的免費電視業赤化。
記者：石永樂
無綫昨宣佈通訊局已批准黎瑞剛成為Young Lion（YL）的新股東，而YL是TVB的單一大股東，持股達26%，聲明未有透露交易涉及金額及黎瑞剛的持股。2011年陳國強聯同台灣HTC創辦人王雪紅，以及基金Providence Equity Partners透過YL向邵逸夫及方逸華收購26%TVB權益，但一直未有透露各方持股。
陳國強仍是表決控權人
TVB稱有關變動後，陳國強將繼續出任集團主席及YL表決控權人。陳國強接受查詢時稱「冇嘢補充」。
據悉黎瑞剛暫不會入主TVB董事局。黎瑞剛以電郵回覆時指，入股YL因陳國强邀請，主要是看好TVB前景。據內地報道，由中共黨員黎瑞剛領導的華人文化產業投資基金（CMC），由國家開發銀行、招商局中國基金等出資，這些機構最終皆由國務院控制，故此CMC與官方關係相當密切，黎氏可算根正苗紅。另外CMC 2013年入主內地財新傳媒，有指由大權在握的中紀委書記王岐山從中斡旋。
黎瑞剛與TVB的關係始於邵逸夫、方逸華主政年代，他當時任董事長的上海文廣曾是TVB劇集內地最大買家，2010年TVB傳出賣盤時，上海文廣亦是潛在買家之一。2012年有報道指黎瑞剛將出任TVB行政總裁，已惹來染紅驚魂，後來黎瑞剛成為TVB上海文廣成立的合資公司董事長。黎瑞剛去年接受本報專訪談及有否機會投資TVB時，他笑而不答，只稱投資要講回報，強調「至少到現在都未想過這個事情」。
不過知情人士表示，「當年邵逸夫賣盤予陳國強財團，黎瑞剛有份促成，甚至有傳黎瑞剛原本屬於財團入面，但可能怕當時市場對有關組合太敏感，最後冇將黎嘅名浮面」。她續稱，「早就計劃賣畀佢，可能覺得𠵱家係right timing」。
或與仍未獲續牌有關
對於TVB引入黎瑞剛為股東，立法會議員毛孟靜稱，中、港政府一心將香港「入得屋」的免費電視業赤化，因為即使互聯網如何普及，電視仍是對香港社會最具影響力媒介，「佢一定要好好操控，呢個係意識形態鬥爭……呢個走勢走唔甩，香港人真係要睜大眼睇清楚」。
毛質疑事件或與TVB免費電視牌照仍未獲續牌有關，「故意拖佢（TVB），唔知做乜……你唔會話行出嚟話要無綫赤化，快啲搵紅色資本，但如果無綫想續牌，要有啲姿勢擺出嚟，有紅色資本喺背後壓陣」。毛孟靜更提及日前邱達昌牽頭成立永升亦引入兩大紅色資本，「兩件事一脈相承，唔能夠唔懷疑係赤化嘅一大舉措」。
