fb上載「我要水炮車」照片,臉孔冇打格,個個都視水炮車為命根,唔食飯、唔出糧,都要買水炮車咁話。
水炮車,是年度最受歡迎上車盤,估計下列人士有「抽水」需要:
佛光街野戰的強國男女學生:「噢,我要!希望是鹹水,我想試吓水炮射顏。水炮只射濕下身行嗎阿sir?」
控訴被佔旺者以手機閃燈「阻差辦公」那位阿蛇:「我要開…水!唔係開槍,明益你黃絲。我唔信你架手機頂得順,睇死你瓜機!漏電!」
預告以最低警力護駕落區的林鄭:「我想坐上水炮車,順便放埋馬後炮,話俾市民知,政改拉倒的千古罪人,唔係我阿娥。」
硬銷美食車的曾財爺:「水炮車最好fusion埋美食車,變糖水車。不過丁蟹已經發功,各位蟹柳注意,這水,是北水,水能覆舟,北水更能乜乜乜!」
篤眼篤鼻那個仆街鄉紳:「我大把水,我架車名副其實就是水炮車,車晒班水貨客去拆祠堂都得,開個價啦!」