城鄉共生，說易行難，鄉郊土地在急速城市發展中，如何保住一席之地？港青創意藝術教育計劃（YMCArts）邀請本地創作人走訪石湖新村、馬屎埔、古洞北等鄉村體驗，並透過藝術作品紀錄村民日常生活，探討城鄉共生的可能。石湖新村牧羊人華叔在被高樓圍繞的草地上，領著羊隻「通山跑」。身處這「超現實」空間，藝術家周俊輝反思：「香港仲有冇空間尊重唔同人選擇理想生活？」
記者：袁樂婷
周俊輝初次踏上石湖新村的泥土，第一印象是「超現實」，「好多高樓大廈，對面馬路就係農地，再隔離就係被發展商丟空嘅屋」。他畫作中的主角華叔，在狹縫中的草地牧羊，「華叔成日講，如果啲羊打交就由得佢打，唔好理佢，打完佢哋自己知邊個係『大佬』；其實就好似一個城市，唔需要樣樣嘢由上而下規劃好哂」。
有次華叔帶他一起牧羊，華叔安心讓牠們「通山跑」，原來牠們早已記熟回家的路，也知道甚麼時候要回去吃華叔準備的麵包乾。即使牠們樂而忘返，亦有村民幫忙尋羊。華叔也有養蜂，偶爾被螫，他若無其事找野芋樹汁敷治，邊敷邊提醒周俊輝不要亂碰，因野芋樹汁會令皮膚痕癢，「佢哋每日親近泥土，好日常，城市人『大鄉里』先唔識」。
諷刺的是，他們雖與泥土共生，但大業主一聲令下，便要「執包袱」。「好多畫畫嘅朋友都有一種困惑，選擇非主流嘅生活，係咪一定咁困難？」藝術工作室大多在工業區，香港土地規劃一直將農地和工業抹殺，同病相憐，感受特別深刻。「絕對唔係村民同藝術家有特權，而係制度是否真正公平，比大家自由選擇想要嘅生活？我哋有冇傾側某一種發展理念、某一班人嘅利益，而犧牲咗人同土地？」
從事設計或藝術創作的年輕人Kila、Naomi和小墁，則以馬屎埔村用作建屋的木材，配合在市區購得的木材製成「木板書」，表達城鄉共生的意念，並在書中繪畫村裡生常日活。Kila說，城鄉關係密切，像他們在村內遇到的80後農夫，「推車仔」到市區收集廚餘堆肥，收成後的蔬果隨即運到市區出售，互相支持、依靠。
他說，城市應包容多元發展，偏偏香港土地常被預先規劃，「然後同你講咁樣最好，但真正適合一個地方嘅嘢，應該係自然發生，好似波鞋街、鴨寮街」。「手護城鄉共生藝術遊學展」即日起至周六於文化中心舉行，其後移師中環元創坊。策展人陳文儀說，希望推動更多人關心土地發展，守護城鄉。